Philippe, summae

Philippe, summae honoribus (novus)

Meter: 8.8.8.8

Melody: e e ed g ga C C ba

• File:Phillipe summae honoribus.mp3 H.III, p. 372

Latinam Philippe, summ(ae) honoribus vocationis enitens cum cive Petro principe qua mente Christum diligis. At ips(e) amoris intima tibi rependit pignora, tibique Patris disserit suaeque vitae dogmata. Nec te minus complectitur, Iacobe, Christi caritas, qui frater eius diceris sed et column(a) Ecclesiae. Almae Sion qui praesides primus gregi clarissimo, nos usque scriptis providis verbum salutis edoces. O vos, beati, nobili Iesum professi sanguine, spe nos fideque currere dat(e) in supernam patriam, Ut quando mansionibus iam Patris immorabimur, simul canamus perpetim in Trinitatis gloriam. Amen.

English